Кайбыч картлар һәм инвалидлар интернат-йортында очрашу.

2018 елның 19 октябре, җомга

Кичә, Өлкәннәр декадасы кысаларында, Олы Кайбыч авыл җирлеге делегациясе Кайбыч картлар һәм инвалидлар интернат-йортында булып кайттылар. Кунаклар өлкәннәр белән әңгәмә кордылар, тәм-томнар белән сыйладылар. «Салават күпере» вокаль ансамбле тарафыннан интернатта яшәүчеләр өчен бәйрәм концерты оештырылды. Интернатта яшәүчеләр һәр башкаручыны җылы кабул иттеләр. Ансамбльдәге кызларга кушылып бергә җырладылар. Интернат-йорт директоры Альбина Фиратовна мондый очрашуларның анда яшәүчеләр өчен бик тә кадерле булуын билгеләп үтте, өлкәннәрнең кәефләре күтәрелә һәм аларга үзләренең ялгыз түгеллекләрен  тоярга ярдәм итә.