Бүген Иске Чәчкаб авылында яшәүче Бөек Ватан сугышы ветераны Зиннәт Әүхәт улы Заһидуллин 99 яшьлек юбилеен билгеләп үтә.

2019 елның 15 августы, пәнҗешәмбе

Аны шушы гүзәл бәйрәме уңаеннан котларга Кайбыч муниципаль район башлыгы Альберт Илгизәр улы Рәхмәтуллин килде. Ул аңа ныклы сәламәтлек, яхшы кәеф, иң изге теләкләр теләде һәм истәлекле бүләк тапшырды. Ветеранны шулай ук Олы Кайбыч авыл җирлеге башкарма комитеты җитәкчесе Сафин Рәмис Багдетдин улы да котлады.