2020 елның 1 июненнән башкарма кәгазьләр буенча түләтү социаль характердагы акчалата түләүләргә мөрәҗәгать итә алмый
020 елның 1 июненнән башкарма кәгазьләр буенча түләтү социаль характердагы акчалата түләүләргә мөрәҗәгать итә алмый
2019 елның 21 февралендәге 12-ФЗ номерлы Федераль закон белән "Башкару эшчәнлеге турында" Федераль законга үзгәрешләр кертелде.
Шулай итеп, кабул ителгән төзәтмәләр нигезендә, 2020 елның 1 июненнән башкарма кәгазьләр буенча түләтү социаль характердагы акчалата түләүләргә мөрәҗәгать итә алмый.
Сүз гадәттән тыш хәл нәтиҗәсендә зыян күргән гражданнарга беренче чиратта матди ярдәм һәм/яки финанс ярдәме сыйфатында гадәттән тыш хәл нәтиҗәсендә һәлак булган (вафат булган) гражданнар гаиләләре әгъзаларына бер тапкыр түләнә торган пособие һәм төрле авырлыктагы зыян китергән гражданнарга бер тапкыр бирелә торган матди ярдәм буларак бүлеп бирелгән чаралар турында бара.
Гражданга карата чикләүләр билгеләнгән һәм/яисә "Башкару эшчәнлеге турында" Федераль закон нигезендә түләтү алына алмаган хезмәт хакын яисә башка керемнәрне түләүче затлар хисап документларында керем төренең тиешле кодын күрсәтергә тиеш. Исәп-хисап документларында керем төрен күрсәтү тәртибен Россия Банкы билгеләячәк.
Моннан тыш:
бурычлының түләтү кире кайтарыла алмый торган акчасы булуын раслый торган документлар бирү бурычы беркетелгән;
банкның яисә бурычлының счетларына хезмәт күрсәтүче башка кредит оешмасының бурычын түләтү мөрәҗәгать итә торган акча суммасын түләттерү өчен билгеләнгән чикләүләрне һәм тыюларны исәпкә алып исәпләүне гамәлгә ашыру бурычы билгеләнгән (исәп-хисап тәртибе Россия Банкы белән килештереп, Россия Юстиция министрлыгы тарафыннан билгеләнә);
бурычлыга хезмәт хакын һәм/яисә башка керемнәрне банкта яисә башка кредит оешмасында бурычлының счетына күчерү юлы белән түләүче затлар хисап документында башкарма документ буенча алынган сумманы күрсәтергә тиеш, дип каралган.