Прокуратура аңлатма бирә
Гражданнарны федераль бюджетның бюджет ассигнованиеләре, Россия Федерациясе субъектлары бюджетлары, көндезге һәм көндезге-читтән торып уку рәвешләре буенча укырга кабул иткәндә, югары уку йортларына керү өчен кирәкле документларны кабул итү тәмамлануның гомуми срогы БДИ нәтиҗәләрен игълан итү датасыннан 23 календарь көн тәшкил итәчәк. Керү сынауларын тәмамлау срогы мәгариф оешмалары тарафыннан мөстәкыйль билгеләнәчәк.
Укырга керү өчен теләүчеләр кирәкле документларны теркәп кабул итү турында түбәндәге рвешләрдә гариза бирә алалар:
1) оешманың электрон мәгълүмат системасы ярдәмендә электрон рәвештә;
2) «Дәүләт һәм муниципаль хезмәт күрсәтүләрнең (функцияләрнең) бердәм порталы» федераль дәүләт мәгълүмат системасы ярдәмендә «Югары уку йортына онлайн укырга керү» суперсервисын кулланып.
Керү өчен кирәкле документлар белем бирү оешмасына, реквизитларны танытуны тәэмин итеп, сканерлау яисә фотога төшерү юлы белән электрон формада бирелә (җибәрелә).
Кабул итүгә ризалык бирү турындагы гариза шулай ук электрон рәвештә дә тапшырыла.
Тулы булмаган документлар комплекты тапшыру, дөрес булмаган белешмәләр булган документлар тапшыру, керүче тарафыннан керүдән баш тарту турында гариза бирү очракларында документларны кире кайтару, оешма тарафыннан мөстәкыйль кабул итү сынаулары, шул исәптән өстәмә кабул итү сынаулары уздыру, шулай ук апелляцияләр карауга бәйле рәвештә кабул итү - болар барысы да хәзер дистанцион технологияләр кулланып башкарыла.
Югарыда күрсәтелгән үзенчәлекләр оборона һәм дәүләт иминлеге мәнфәгатьләрендә кадрлар әзерләү, законлылыкны һәм хокук тәртибен тәэмин итү өлкәсендә югары белем бирү программалары буенча белем бирү эшчәнлеген гамәлгә ашыручы федераль дәүләт оешмаларына кабул итү тәртибенә һәм шартларына, шулай ук «Россия Федерациясендә мәгариф турында» 2012 елның 29 декабрендәге 273-ФЗ номерлы Федераль законның 81 статьясындагы 1 өлешендә күрсәтелгән һәм федераль дәүләт органнары карамагындагы федераль дәүләт оешмалары эшчәнлегенә кагылмый.