Эш бирүче тарафыннан хезмәткәрләрнең хезмәт шартлары турында мәгълүмат материалларын урнаштыру буенча тәкъдимнәр расланд
2022 елның 1 мартыннан Россия Федерациясе Хезмәт кодексына 216.2 маддә өстәлде. Аның нигезендә һәр хезмәткәр үзенең эш урынында хезмәт шартлары һәм аны саклау турында мәгълүмат алуга хокуклы.
РФ Хезмәт кодексының 261.2 маддәсе 4 нче өлеше буенча эш бирүче тарафыннан мәгълүмат материалларын урнаштыру буенча формалар (ысуллар) һәм тәкъдимнәр, шулай ук мондый материалларның якынча исемлеге Россия Хезмәт министрлыгы тарафыннан раслана.
2022 елның 1 мартыннан эш бирүче тарафыннан мәгълүмат материалларын урнаштыру буенча тәкъдимнәр гамәлдә булачак, шул ук датадан РФ Хезмәт министрлыгының Хезмәтне саклау кабинетының һәм хезмәтне саклау почмагының эшен оештыру буенча тәкъдимнәрне раслау турында 2001 елның 17 гыйнварындагы 7 номерлы карары үз көчен югалткан дип таныла.
Элеккеләре белән чагыштырганда, яңа тәкъдимнәр заманчарак. Эш бирүчеләр мәгълүмат материалларын веб-сайтта урнаштыра, электрон почта аша тарата, онлайн-сораштырулар яки телефон интервьюлары, әңгәмәләр үткәрә алачак. Видеороматериалларны таратканда, онлайн-сораштырулар, телефон интервьюлары һәм әңгәмәләр үткәргәндә шәхси мәгълүматны яклау турындагы законнарны үтәргә кирәклегенә басым ясала.
Хезмәтне саклау кабинетын төзү хезмәткәрләрнең саны 50 һәм аннан да күбрәк булган эш бирүчеләргә (ә 100 һәм аннан да күбрәк түгел) тәкъдим ителә, ә хезмәткәрләрнең саны 50дән кимрәк (хәзер - 100 дән азрак) булган эш бирүчеләргә эш бирүчеләрнең аерым структур һәм башка аерымланган бүлекчәләрендә хезмәтне саклау почмагын булдыру тәкъдим ителә.