Президент баяны кайбычлыларга җиңү китерде

Бәйгедә Татарстан шәһәр-районнарындагы музыка, балалар сәнгать мәктәпләренә йөрүче өч йөзгә якын укучы катнашты. Анда Кайбычтагы сәнгать мәктәбендә халык уен кораллары бүлегендә Зөлфия Яруллина кул астында шөгыльләнүче Иске Чәчкаб мәктәбе укучылары – игезәкләр Рамил белән Ранис Гаттаровлар парлап уйнады һәм өченче урынны яулады. Аларга баяннарны Татарстан Президенты Рөстәм Миңнеханов бүләк иткән иде. Мөрәледән Булат Сибгатов бәйгедә актив катнашканы өчен Мактау кәгазенә лаек булды.